December 1, 2025 | 12:00am
KAPAG may pumanaw sa maagang edad, sinasabi nating mga Pilipino, “Kinuha na siya ng Diyos. Hilig kasi ng Panginoon paligiran Siya ng mababait.”
Akmang-akma ang kasabihang ‘yon kay Judge Carmela Rosario C. Pasquin. Pumanaw siya sa edad na 41 nu’ng Oct. 22, 2025.
Papasok siya sa trabaho nu’ng umagang ‘yon. Nakaangkas sa motorsiklo ng process server ng kanyang korte sa Pinamungajan, Cebu. Nabangga sila ng isa ring motorsiklo ng 19-taong lalaki na walang lisensiyang magmaneho.
Bakit walang kotse si judge, tanong nang maraming Netizens. Anang mga police sa Pinamungajan, nakikisakay lang si judge sa mga katrabaho araw-araw mula sa bahay sa Toledo City.
“Maraming nagulat na puwede palang mabuhay nang simple ang isang huwes,” ani John Sanchez. Kasi nakikita natin ang maraming opisyales na ipinagyayabang ang mararangyang kotse na nabili nila sa nakaw na pera ng bayan.
Naaalala ni Sanchez si “Carms Cahig” mula maging kaklase sa University of the Philippines law school:
“Naiiba si Judge Carms bukod sa kawalan ng kotse. Batay sa FB posts ng mga abogadong humarap sa kaniyang korte, malilinang na si Judge Carms ay mahusay, masipag, marangal, at patas. Tapat siya sa sinasagisag ng kapa ng hukom.
“Paalam at salamat sa ‘yong serbisyo, Judge. Pakikiramay sa ‘yong mga naiwan.”
Lumiham si Dr. Tony Leachon, health care reformist, maski hindi kilala si Judge Carms: “Nabuhay at nagsilbi si Judge Carms sa tahimik na dignidad – katunayan na may marangal sa ating hanay. Sa panahong ipinagyayabang ang karangyaan at nagiging karaniwan ang katiwalian, ang kasimplehan niya ay hindi kakulangan, kundi kapasyahan.”
Parangal sa dakilang huwes: Carmela Rosario C. Pasquin
KAPAG may pumanaw sa maagang edad, sinasabi nating mga Pilipino, “Kinuha na siya ng Diyos. Hilig kasi ng Panginoon paligiran Siya ng mababait.”
Akmang-akma ang kasabihang ‘yon kay Judge Carmela Rosario C. Pasquin. Pumanaw siya sa edad na 41 nu’ng Oct. 22, 2025.
Papasok siya sa trabaho nu’ng umagang ‘yon. Nakaangkas sa motorsiklo ng process server ng kanyang korte sa Pinamungajan, Cebu. Nabangga sila ng isa ring motorsiklo ng 19-taong lalaki na walang lisensiyang magmaneho.
Bakit walang kotse si judge, tanong nang maraming Netizens. Anang mga police sa Pinamungajan, nakikisakay lang si judge sa mga katrabaho araw-araw mula sa bahay sa Toledo City.
“Maraming nagulat na puwede palang mabuhay nang simple ang isang huwes,” ani John Sanchez. Kasi nakikita natin ang maraming opisyales na ipinagyayabang ang mararangyang kotse na nabili nila sa nakaw na pera ng bayan.
Naaalala ni Sanchez si “Carms Cahig” mula maging kaklase sa University of the Philippines law school:
“Naiiba si Judge Carms bukod sa kawalan ng kotse. Batay sa FB posts ng mga abogadong humarap sa kaniyang korte, malilinang na si Judge Carms ay mahusay, masipag, marangal, at patas. Tapat siya sa sinasagisag ng kapa ng hukom.
“Paalam at salamat sa ‘yong serbisyo, Judge. Pakikiramay sa ‘yong mga naiwan.”
Lumiham si Dr. Tony Leachon, health care reformist, maski hindi kilala si Judge Carms: “Nabuhay at nagsilbi si Judge Carms sa tahimik na dignidad – katunayan na may marangal sa ating hanay. Sa panahong ipinagyayabang ang karangyaan at nagiging karaniwan ang katiwalian, ang kasimplehan niya ay hindi kakulangan, kundi kapasyahan.”
